Para mahisgutan ang nagka lain lain na solusyon sanan para maghatag ng dugang na impormasyon kabahin sa mental health and suicide prevention, an City Social Welfare Development Office nagpahigayon ng mga seminar.
Kaiban ang Tingog Kabatan-onan Organization, niabot sa 40 ka mga participants sa pipila ka mga Youth Organizations diin miyembro nan Local Youth Development Council (LYDC) ang miapil sa maong seminar.
Partner sab ang Batang Surigaonon Youth (BSY), sanan Family Planning Organization of the Philippines Surigao Chapter (FPOP), lakip na an pipila ka mga facilatators nan City Health Office sa presenya ni Dr. Benjielita P. Notada sanan nan City Social Welfare Development Office sa pagdumaya ni CSWD Officer Lenie Liray, ug ni Assistant CSWD Officer. Markcaven Salar.
An katujoan nan Mental Health Awareness sanan Suicide Prevention Seminar nagtumong sa pagpakanat sa kahibayo, mahitungod sa problema bahin sa mga isyu nan mental health, sanan pagtanyag nan mga estratehiya nga nakabase sa ebidensya.
Pinaagi sa usa ka multi-dimensional nga pamaagi, naningkamot an CSWDO sanan an TKO sa paghatag og komprehensibo nga suporta sa mga indibidwal, pamilya ug komunidad nga apektado sa mga dunay kasinatian nga maka apekto sa tagsa tagsa ka pangisip kun mental health.
(Source: Surigao City PIO Facebook page)