Arestado sa mga personahe sa Theft and Robbery Unit sa Surigao City Police Station kaiban an Basilisa MPS sa pagpanguna ni PCPT Johnson Juanite an isa ka Construction Worker tungod sa krimen nga Robbery.
Nahitabo an pag aresto sa Purok 2, Brgy. Sabang, SC sa alas 9:30 sa buntag.
Nakilay.an akusado nga si Nikko Pabiano Omandac, 21 anyos na layaki, ulitawo, construction worker, residente sa Purok 1, Brgy. Matingbe, San Jose, Province of Dinagat Islands.
An akusado an may Warrant of Arrest sa Revised Penal Code 293 ubos sa criminal case no. 2650 nga gi.isyu ni Hon. Den Ryan Cagas an Acting Presiding Judge sa RTC Branch 32, San Jose, Surigao del Norte pinetsahan Hulyo 10, 2024 nga may girekomendar nga piyansa sa kantidad P48,000.00.
Sa pagka kuman an akusado an jaon sa kustodiya sa Surigao City Police Station. (Mark James Lisondra)