Nagpositibo sa drug test an suspek nga si Reynante Lusperos Balios, alyas Boboy, 42 anyos nga layaki, Construction Worker human kini nadakpan sa gilusad nga drug buy bust operation sa Purok 3, Brgy. Sabang, SC sa alas 4:15 sa hapon.
An druga nga napalit sa posuer buyer gikan sa suspek nitimbang nan 0.0663 gram hampam an druga nga gikan sa posisyon sa suspek nitimbang nan 2.06 grams.
Sa qualitative examination nga gihimo sa Provincial Forensic Unit Surigao City an specimen sa suspek nag positibo an resulta sa Methamphetamine Hydrochloride.
Sa screening test nga gihimo an ihi sa suspek nag positibo isab an resulta apan negatibo sa presensiya sa THC-metabolites.
An tanan nasakmit sa gituohang shabu nitimbang nan 2.1324 grams sa kantidad P14, 500.00 ka pesos. An kaso giduso sa City Prosecutor’s Office nga gidawat ni Atty. Joan Francis Alas-Esmero an Prosecutor 1 sa kasong kalapasan sa Sec. 5 (selling) ug Sec. 11 (Possession of Dangerous Drugs) nga may NPS Docket no. XIII-05-INQ-24F-00130. (Mark James Lisondra)