Nadakpan an isa ka Construction Worker sa gikasa nga drug buy bust operation sa mga personahe sa drug enforcement unit sa Surigao City Police Station sa pagpanguna ni PCPT. Rizar Brian Eublera ubos sa supervision ni PLTCOL Mariano Lukban.
Nadakpan an suspek kagahapong adlawa sa Purok 3, Brgy. Sabang, SC sa alas 4:15 sa hapon nga tagkilaya nga si Reynante Lusperos Balios, 42 anyos nga layaki, lumad nga taga Purok 7, San Jose, Province of Dinagat Islands.
Nasakmit sa posisyon sa suspek an isa ka plastic sachet sa suspected shabu pinalit sa posuer buyer nga gibana-bana motimbang sa kapin kon kuyang 0.16 gram sa kantidad P1, 088.00 ka pesos.
Laing 17 kabuok nga plastic sachet sa suspected shabu nga gibana-bana motimbang sa 3.34 grams sa kantidad P22, 712.00 ka pesos, isa ka genuine nga P1, 000 peso bill gigamit isip marked money P270.00 ka pesos nga cash, isa ka samsung keypad cellular phone, isa ka tumbtacks nga box, isa ka pack sa segarilyo.
An dinakpan nga suspek ug an tanang nasakmit nga ebidensiya gidaya dajon sa Surigao City Police Station alang sa tukmang disposisyon ug dokumentasyon.
Isa ka criminal complaint sa paglapas sa Article II, Sec. 5 ug Sec. 11 sa RA no. 9165 an giandam na alang sa pagpasaka sa korte batok sa suspek. (Mark James Lisondra)