An City Traffic Management Office sa pagpanguna ni City Traffice Management Coordinator PLT. Jeanil Saraus nag presentar sa ilang accomplishment report gikan nan Hunyo hangtod Agosto 2024 atol sa flag raising ceremony kagaina buntag Agosto 27, 2024.
Highlight sa report amo an mga malapason sa balaod trapiko sa syudad nan Surigao.
Niabot sa 4, 275 an malapason sa balaod sama sa Illegal Parking, Obstruction, colorum na mga sakayanan ug illegal terminal sa kadayanan na diin mikabat sa Php441, 530.00 ka pesos an remittance ngadto na sa City Treasurer’s Office alang sa mga multa.
Nag butang an ilang buhatan nan mga personahe sa Port Area aron mamentenar an kahapsay sa dayan sa trapiko sa maong lugar.
Padajun isab an ilang buhatan sa pag hatag nan seminar sa mga driver aron dili sila makalapas sa balaod sa trapiko.
Sa mensahe ni PLT Jeanil Saraus nga sila nag hangyo sa mga katawhan na mosunod sa balaod sa trapiko.
Mitambong sa flag raising ceremony sila ni Mayor Pablo Yves L. Dumlao II, Vice Mayor Alfonso Casura, Councilor Joseph Joey Yuipco, Councilor Karl Duane Casurra, Councilor Christian Noel Catre, Liga ng mga Barangay President Dodong Ravelo ug Sk Federated President Jeanilyn Edulsura. (Mark James Lisondra)