An City Social Welfare and Development Office sa pagpanguna ni City Social Welfare and Development Officer Lenie Liray nag presentar sa ilang accomplishment report human sa gipahigayon na flag raising ceremony kagahapong adlawa.
Highlight sa report amo an sectoral programs and services, na diin para sa mga señior citizens gikan nan Enero hangtod Hulyo 2024 jaoy 1,103 alang sa bag.ong applicants para sa señior citizens ID ug 1, 330 para sa ID replacement.
Nag hatag isab sila nan 19 ka assistive devices para sa mga señior citizens ug 8, 409 para sa social pension sa kinatibuk.ang kapin P50 million pesos sa katapusan na semester.
Aprobado isab sa Sangguniang Panlungsod an isa ka City Ordinance no. 497 series of 2024 an pag establisar nan señior citizens center sa 54 ka mga barangay.
Jaon isab bag.o na programa an ilusad ngadto na sa mga señior citizen amo an MPD Service an Multisectoral Program and Development Secvices and Initiatives for Señior Citizens.
Para sa Solo Parents pinaagi sa virtue sa RA 11861 AN ACT PROVIDING FOR BENEFITS AND PRIVILEGES TO SOLO PARENTS AND THEIR CHILDREN na diin an nagpa rehistro sa ilang buhatan mikabat sa 523 an mga solo parent.
Sumaya pa ni Lenie Liray na an ilang buhatan andam motabang sa mga katawhang Surigaonon hilabi na an mga señior citizen ug mga solo parent.
(Mark James Lisondra)