Surigao: Cashier sa Gaisano Capital arestado human nangawat nan kwarta

0
3

Arestado sa mga tinugyanan sa kapulisan an isa ka cashier sa Gaisano Capital human ija gikawat an kwarta nga nadiskobrehan mga alas 2:00 nan hapon kagahapong adlawa.

Nakilay.an suspek nga si Jessel Ann Pincilio Mahilum, 31 anyos nga babaje, dayaga, cashier sa Gaisano Capital Surigao, residente sa Purok 7, Brgy. San Juan, Surigao City.

Basi sa imbestigasyon ni PCL Andres Felisco Jr. ngadto na sa complainant nga si Sharie Yves Yosores Sinugbuhan, 29 anyos nga babaje, Human Resource Manager sa Gaisano Capital Surigao nasayran nga gipahibayo sa suspek an ija head cashier nga nawaya an kwarta sa ija cash drawer.

Dugang pa, an maong insidente ilang gireport ngadto kang Ms. Sinugbuhan ug ilang gihimo an imbestigasyon ug gisusi an CCTV footage. Sa pagrepaso sa CCTV footage mga alas 12:30 sa hapon mibiya an suspek sa ija counter aron maniudto ug nibalik sija alas 2:00 sa hapon, wayay laing tawo nga nakita sa footage sa ija counter hinungdan nga sija an gidudahan nga nikuha na kwarta.

Hinuon an suspek boluntaryong na lamang kining niangkon nga gikuha nija an kwarta sa cash drawer sa kantidad P17, 974.45 ka pesos ug gibutang sa ija bra sa waya pa an paniudto. Matod pa sa suspek, gigamit nija an kwarta sa pagbayad sa ija online loan.

Sa pagka kuman an suspek an jaon sa kustodiya sa Surigao City Police Station ug pasakaan ug kasong Qualified Theft. (Mark James Lisondra)

Leave a Reply