An City Disaster Risk Reduction and Management Office sa pagpanguna ni Threlcie Villaces, LPT nanguna sa Flag Raising Ceremony sa City Hall kagahapong adlawa.
Gipasiugdahan sa CDRRMO an National Disaster Resilience Month 2024 sa tibuok buyan sa Hunyo.
Gisulti ni Threlcie Villaces nga sa una an ilang buhatan jaoy gihimo nga pag institutionalized bahin sa emergency response, pag sunod sa Sustainable Goal Development of the UN amo an Climate Change Adoptibility.
Dugang pa ni Villaces nga an Panggamhanan sa Siyudad nan Surigao jaon na silay City Ordinance sama sa Empowering Medical Emergency Response Center Surigao City, Updated CBS data, rehabilitasyon sa command center ug CCTV sa dakbayan sa Surigao, pag himo nan wifi system sa mga island barangays.
An CDRRMO nag purchased nan garbage containers nga gipang apod-apod sa city proper. Matud pa ni Villaces nga kuman na tuig mag update isab an CDRRMO sa ilang Local Disaster Risk Reduction and Management Plan para ma.update an CBS data, ika duha an plano ni Mayor Pablo Yves L. Dumlao II para sa 911 kini kinahanglan nga ilakip sa LDRRM plan.
Gipasidunggan ni Vice Mayor Alfonso Casurra an buhatan sa CDRRM sa ilang mga accomplishment panahon nga jaoy mga kalamidad alang sa pag monitor ug responde sa ilang mga personahe.
Human sa mubo nga programa An Asia Pacific Alliance for Disaster Management Philippines (APAD PH) nag-apod-apod nan mga importanteng kagamitan sa kalamidad sa tuyo ka barangay sama sa Brgy. San Juan, Brgy. Washington, ug Brgy. Luna.
An gipang-apod-apod nga mga butang naglakip sa 3 ka megaphones nga jaoy mga baterya, 40 kabuok whistles, ug 15 kabuok mga emergency vest.
An APAD PH Mindanao Coordinator nga si Princess Loren Dompor maoy nanguna sa pagpanghatag, inubanan nila ni City Vice Mayor Alfonso S. Casurra, City Councilor Joseph Joey Yuipco, Karl Duane A. Casurra, ug Sangguniang Kabataan President Jenelyn Edulzura.
An mga opisyal sa barangay sa tuyo ka barangay maoy personal nga midawat sa mga kagamitan atol sa Flag Raising Ceremony. (Mark James Lisondra)