Isa ka vehicular accident an nahitabo sa Sitio Panubigon, Brgy. Lipata, syudad nan Surigao jadton Agosto 18, 2024.
An mga nalambigit na mga sakyanan:
- Vehicle 1 isa ka black honda beat 125 na motorsiklo nga gimaneho ni Maricel Consigna Cayasan, 37 anyos na babaje, government employee, hampan an angkas niini isa ka 13 ug 5 anyos na mga layaki.
- Vehicle 2 isa ka kia bongo na truck na may plate no. JAJ3567 nga gimaneho ni Randy Gillio Gaña, 44 anyos na layaki, menyo, redidente sa Purok 2, Brgy. Roxa, lungsod sa Basilisa, Province of Dinagat Islands.
Basi sa imbestigasyon ni PCPL Robert Apdo nasayran nga an duha ka mga sakyanan nagsubay sa Sitio Panubigon, Brgy. Lipata pasaka pasingod sa National Highway sa Brgy. Lipata.
Pag-abot sa taas nga dayan diin nahitabo an aksidente, kalit nga napayong an makina sa Bongo hinungdan nga napakyas pag brake.
Tungod niini an bongo ni atras ug nibangga sa motoraiklo nga diha sa lujo ug ni deretso-deretso pasingod sa kanal.
Damage an duha ka sakayan nga diin an driver sa motor ug ija mga angkad naka angkon nan samad ug gidaya sa Caraga Regional Hospital sa mirespondeng personahe sa QART. Hampan an driver sa bongo ug pahenante an luwas ra sa kahimtang sa maong aksidente.
Sa gihimong follow up nagkasabot ra an duha ka partido alang sa mga damages sa ilang sakayanan nga nahiagom. (Mark James Lisondra)