Na ugdaw sa sunog an isa ka bayay nga gama sa light materials nga gipanag-ijahan ni Analiza Tudtod Carbonilla, residente sa Sitio Cabalawan, Brgy. Rizal, syudad nan Surigaosa alas 2:59 an takna sa hapon
Sa report nga gipagawas sa Surigao City Central Fire Station sa pagpanguna ni Fire Senior Inspector Eduardo P. Quinto Jr., Acting City Fire Marshal mikabat sa kapin kon kuyang Php90, 000.00 ka pesos an structural damage sa maong sunog.
Na control an sunog sa alas 3:09 sa hapon ug gideklarang fire out sa alas 3:12 sa hapon sa susama nga petsa.
Padajun pa an imbestigasyon sa mga personahe sa Surigao City Fire Station an hinungdan sa sunog. Nagpahimangno isab si Fire Senior Inspector Eduardo P. Quinto Jr. na mag amping sa tanang panahon aron malikay sa kadaut sa sunog. (Mark James Lisondra)