Tumong sa atoang maabtik nga gobernador, Gov. Nilo P. Demerey, Jr. nga mahatagan ang mga baranggay og motor vehicle tungod dakong tabang ang maong sakyanan alang sa mga opisyal sa barangay ug sa ilahang mga residente nga naa silay magamit alang sa sosyal ug makatawhanong panginahanglan sama sa medical emergencies, ug uban pang transaksyon nga kinahanglan og transportasyon.
Biyernes adlawa, Pebrero 10, 2023, malampusong giturn-over ang mga motorsiklo, nga gipahigayon sa Provincial Capitol, Cuarinta, San Jose, Dinagat Islands. Isip representante ni Gov. Nilo P. Demerey, Jr., anaa si Mr. Nilo Marco M. Demerey, Security Officer IV/ LCE Authorized Representative uban ni Assistant Provincial Administrator, Conchita M. Macalua nga maoy nanguna sa gipahigayon nga distribusyon. Anaa usab ang presensya ni Board Member Jocelyn B. Relator.
Pipila ka mga barangay niining Probinsya sa Dinagat Islands ang nakadawat na niini. Magpahigayon pa usab og laing hugna sa distribusyon alang sa ubang barangay nga wala pa makadawat sa motor vehicle.
(Source: Governor Nilo “Remedy” Demerey Jr. Facebook page)