Padajun pang gipangita an suspek na si Jick Ariar Plaza human nalambigit sa illegal na droga ug pag hupot nan armas sa gihimong implementation of search warrant no. 07-18-2024-4 na gi.isyu ni Hon. Ferdinand R. Villanueva, Acting Executive Judge sa Branch 29, pinetsahan Hulyo 18, 2024.
An suspek nakalapas sa RA no. 10591 kon Illegal Possession of Firearms and Ammunitation Act ug Article II, Sec. 11 sa RA no. 9165 kon Dangerous Drugs Act of 2002.
Nakompiskar sa mga operatiba an isa ka sling bag color itom; isa ka unit na .357 magnum revolver smith and wesson na wayay serial no; ug napuyo (10) ka bala
Nakompiskar isab an duha ka disposable lighter; isa ka improvised aluminum foil needle; isa ka aluminum foil strip na may residue sa shabu; assorted aluminum foil tooters; assorted alumninum foil strips; duha ka cellophane na may residue sa shabu; isa ka improvised bamboo sealer; isa ka ampao na eveloped; upat (4) ka plastic sachet sa suspected shabu na gibana-bana motimbang sa 7 grams sa kantidad P47, 600.00 ka pesos.
Sa pagka kuman an mga nasakmit na mga ebedensiya an jaon sa kustodiya sa Surigao City Police Station.
(Mark James Lisondra)