Nagmalampuson an gipahigayon nga Assistance to Individual in Crisis Situation payout sa lungsod nan General Luna kagahapong adlawa.
Pinaagi sa Department of Social Welfare and Development Office kon DSWD ug ni Atty. Francisco “Lalo” Matugas nga maoy ni representar kay Congressman Francisco Jose “Bingo” Matugas, gisugdan an pag apod-apod nan cash assistance sa unom ka barangay nga mikabat sa 1, 373 ka benepisyaryo sama sa Consuelo, Poblacion 1, Poblacion 2, Magsaysay, Tawin-Tawin ug Cabitoonan an nakadawat nan P3, 000 pesos.
Mitambong isab sa gilaong nga aktibidad si Vice Mayor Romina Sajulga ug iban pang opisyales sa General Luna.
Sa mensahe ni Atty. Francisco “Lalo” Matugas nag laong nga hamok pa an cash assistance nga mahatag gikan sa gobyerno ngadto na sa katawhan.
Dako isab an pagpasalamat ni Vice Mayor Romina Sajulga ngadto kay President Ferdinand “Bongbong” Marcos Jr., House Speaker Ferdinan Martin Romualdez, Tingog Partylist Congresswoman Yedda Romualdez ug hilabi na kay Congressman Bingo Matugas nga maoy naningkamot nga mangajo nan pundo para mahatag sa katawhan. (Mark James Lisondra)