Naghatag nasab nan tabang pinansyal an Probinsiya nan Surigao del Norte pinaagi sa Provincial Social Welfare and Development Office (PSWDO) sa mga benipisyaryo sa Assistance to Individuals in Crisis Situation (AICS) kagahapon Hulyo 8, 2024 sa Siargao Island Convention Center sa lungsod nan Dapa.
Gikan an pondo sa opisina ni Secretary Rex Gatchalian na gipaningkamutan na mapangajo ni Gov. Robert Lyndon Barbers, kun diin nakatagamtam an 2,017 ka benepisyaryo na taga-Siargao sa P3,000.00 na tabang pinansyal.
An pagpanhatag gipahigayon pinaagi sa mga lakang sanan inisyatibo sab DSWD para masiguro na an mga benepisyaryo makadawat nan sakto na hinabang na makatabang sa ilan adlaw-adlaw na panginahanglanon. (Mark James Lisondra)