Surigao: 969 ka mga barangayanon sa Brgy. Danao natagaan nan libre nga serbisyo

0
1
photo courtesy of Surigao City PIO

Niabot na sab ang mga libreng serbisyo sa Brgy. Danao sa ikaduha na tuig nan Peopleā€™s Day program ni Mayor Pablo Yves L. Dumlao II, kuman na adlaw, Mayo 9, 2024.

969 ka mga baranggayon sa Danao ang nakatagamtam nan libre na mga serbisyo na tagdaya nan Lokal na Panggamhanan, mga grupo sanan ahensya, pati mga volunteer groups gikan sa siyudad.

Tumong sa Peopleā€™s Day na tanan residente nan Surigao, makatagamtam nan mga serbisyo. Ugsa taghimo inin Peopleā€™s Day kay para makaabot gajud sa mga lagjo na barangay ang mga serbisyo.

Hamok ang naka-avail na mga kabatan-onan sanan mga katiguyang nan libre na mga dental services, nakapaibot, sanan nakapa-cleaning nan ila mga ngipon.

Hamok sab ang nahatagan nan libreng toothbrush sanan toothpaste kay tagpakusgan gajud nan City Health Office ang ila programa kontra sa mga oral diseases.

Permi sab pilahan sa Peopleā€™s Day ang serbisyo na libreng medical check up, urinalysis, blood sugar, sanan vaccination gikan sa mga doctor, medical technologists, medical health workers, sanan mga kaibanan nan red cross.

Ang mga tatay sanan nanay nan Brgy. Danao, nakasinati sab nan libreng limpyo sa tiil sanan sa kamot pinaagi sa mga libre na manicure sanan pedicure gikan sa Sustainable Livelihood Program Association nan City Social Welfare and Development Office.

photo courtesy of Surigao City PIO

Nagpasalamat sanan nalipay sab ang mga lolo and lola sa daya na libreng reflexology pati masahe.

Suportado sa ato mga city officials ang Peopleā€™s Day Year 2 kanina sa Brgy. Danao, tagpangunahan ni City Vice Mayor Alfonso Casurra, City Councilor Baltazar Abian, City Councilor Karl Duane Casurra, sanan City Legal Officer Atty. Lex Silvosa ang opening program.

Mapasalamaton sab ang kapitan sa Brgy. Danao na sir Kapitan Alex G. Palen kay nahitabo na sab ang Peopleā€™s Day sa ila lugar sanan waya na makagasto sanan mahago ang ija mga katawhan sa pagkadto sa siyudad para ra lamang makatagamtam nan libre na mga serbisyo.

Dugang pa sa kapitan, mapasalamaton sija na may libreng registration pa sa Senior, PWDs, Solo Parent ID na daya nan CSWDO, National ID na daya nan PSA o PhilSys, sanan PhilHealth Membership na daya nan PhilHealth Surigao del Norte. (Mark James Lisondra)

(Source: Surigao City PIO)

Leave a Reply