Patay an isa ka 73 anyos na layaki human kini nalumos samtang naligo sa dagat sa Sitio San Roque, Brgy. Ipil, syudad nan Surigao jadton adlaw’ng Sabado.
Nakilay.an an biktima na si Pedrito Ronquillo Gasta, menyo, residente sa Purok Kahoy, Brgy. Ipil, SC.
Sa imbestigasyon sa kapulisan ngadto na sa nakasaksi na si Reynaldo Bito Balloso samtang ija gitrabaho an ija tug boat ija namatikdan an isa ka layaki nga nag lutaw sa dagat nga gituohang nangajo nan tabang.
Dali ini girespondihan sa nakasaksi apan waya na nija maapas pa an nalumos na biktima. Gidaya pa an biktima sa kilid baybayon aron buhion apan ulahi na an tanan rason nga mitawag na lamang kini sa mga tinugayanan sa kapulisan.
Dugang pa sa imbestigasyon nga ubos sa impluwensiyang inimnong maka hubog an biktima. Nag request isab an imbestigador nan post-mortem examination sa Surigao City Health Office aron masuta an hinungdan sa kamatayon sa biktima.
Sa pagka kuman an patay’ng lawas sa biktima an jaon naka haya sa Nilo Funeral Services, KM 3, Brgy. Luna, Surigao City.
(Mark James Lisondra)