Gidakop sa mga tinugyanan sa kapulisan sa Del Carmen Municipal Police Station ug sa mga sakop sa DENR PAMO-SIPLAS Del Carmen an isa ka suspek tungod sa paglapas sa Presidential Decree 705 kon Revised Forestry Code of the Philippines sa hiniusang operasyon sa kampanya batok sa illegal logging.
Si Police Colonel Laudemer M. Laude, an Provincial Director, niila sa suspek na 55 anyos na lalaki, minyo, self-employed, ug residente sa General Luna, Surigao del Norte.
Na-intercept an suspek samtang naghakot ug nagkalain-laing ginabas na kahoy. An nakumpiska na mga butang gikan sa suspek amo an ginabas na “Lauan,” na jaoy gibana-bana na volume sa kapin o kuyang 68 board feet ug gibana-bana sa kinatibuk-an kantidad sa P4, 760.00, ug ginabas na kahoy na “Doyok-book,” na jaoy gibana-bana na gidaghanon sa kapin o kuyang 832 board feet ug gibanabana na kinatibuk-ang kantidad nga Php66, 560.00.
An suspek an jaon kuman sa kustodiya sa Del Carmen Municipal Police Station, ug an mga nakumpiska na mga ebedensiya an gidaya sa buhatan sa DENR alang sa tukmang disposasyon.
(Mark James Lisondra, photo courtesy by PPO SDN)