Gipahigayon an Turn-over of Certificate of Live Birth (COLB) in Security Paper (SECPA) for Birth Registration Assistance Project (PBRAP) para sa mga indibidwal na nagparehistro nan ila Birth Certificate adton People’s Day Year 1.
324 ka indibidwal adton 2023 People’s Day na nakapa rehistro para sa ila Birth Certificate sa City Local Civil Registrar Office (LCR) an nakakuha na nan ila original copy gikan sa Philippine Statistics Authority.
Madumduman na sa People’s Day program, lakip sa serbisyo nan LCR an pagtabang sa mga katawhan na makaparehistro nan ila Birth Certificate.
An mga benepisyaryo gikan sa 54 ka barangay na sakop nan siyudad. Nanguna sa pag turn-over nan mga original Birth Certificate si City Registrar Grace Pomoy.
Didto nitambong sa programa si City Mayor Pablo Yves L. Dumlao II sanan mipaabot nan ija mensahe sa mga benepisyaryo na nalipay sija na hamok an nakakuha nan ila mga Birth Certificate na libre. Tagpa abot nija na ija gajud padajunon an programa para tanan na mga Surigaonon an makapa rehistro na sanan wayay mabijaan.
Mitambong sab sa pag turn-over si PSA Provincial Field Office Chief Statistics Specialist Glennboy C. Liston na nalipay tungod sa programa na People’s Day hamok na gajud an mga nakapa rehistro nan ila Birth Certificate. (Mark James Lisondra)