Dead on Arrival pag abot sa hospital an 29 anyos na layaki human kini aksidenting na kurentihan kagahapon sa buntag sa may Sitio Lumaban, Brgy. Rizal, siyudad nan Surigao.
Nakilay.an an biktima na si Marlo Lumaque Licayan, 29 anyos, isa ka helper ug crew, residente sa Purok 9, Sitio Darangguyan, Brgy. Malipayon, Bukidnon.
Sa imbestigasyon gibutyag sa kaibang driver nga si Romnick Junio ​​Absuelo, 34 anyos, lalaki, lumad nga taga Purok 6, Brgy. Pahindong, Medina, Misamis Oriental, mga kapin o kuyang alas 5:00 sajo sa buntag kagahapon, niabot sila dinhi sa siyudad nan Surigao gikan sa Manolo, Fortich, Bukidnon, Misamis Oriental alang sa paghatod sa gi-order nga feeds sa Sitio Lumaban.
Human sa ilang trabaho pagawas na an driver sakay sa green nga Mitsubishi Fuso 10-wheeler closed wing van nga maoy nagmaneho inin biktima didto sa ibabaw nan wing van para maplastar an mga linya sa kurenti sa surneco gumikan sa ka habog sa wing van ug aksidenting natapik sa biktima an lower line nga miresulta sa pagka kurenti niini.
Gidaya pa an biktima sa hospital apan gideklara kining Dead on Arrival pinaagi na sa attending physician mga alas 10:55 an takna sa buntag kagahapong adlawa. An patay’ng lawas an jaon kuman nakahaya sa Nilo Funeral Services, Barangay Luna.
(Mark James Lisondra)