Arestado sa mga tinugyanan sa kapulisan an 28 anyos nga layaki human gibalikas an duha ka Police Officer ug skandalo sa gawas nan Ohana Black Sand Beach Resort.
Nahitabo an insidente jadton adlaw’ng Domingo, Hunyo 23, 2024 sa alas 3:30 nan kadlawon.
Nakilay.an an suspek nga si Michael Eludo Eder, isa ka Sorter sa Shoppe Express, residente sa Purok Rosas, Roxas Extension, Brgy. Washington, SC.
Basi sa imbestigasyon ni PMSgt. Rene Cavite ngadto na sa duha ka Police Officer nasayran nga samtang sila nag patrol sa gawas nan Ohana Black Sand Beach Resort nga an suspek nag skandalo human an side mirror sa ija motorsiklo nawagtang na.
Waya pa makontento an suspek ija pa tag balikas an duha ka Police Officer rason nga nasipgan niini atubangan sa kahamokan sa mga tawo rason isab nga ilang kining gi.aresto.
Dugang pa sa imbestigasyon nga an suspek an ubos sa impluwensiyang ilimnong maka hubog. Human sa insidente tagdaya sa Surigao City Police Station an suspek ug ipasaka an tukmang kaso batok sa ija.
An motibo sa insidente an daya lamang sa ija kapungot ug ka hubog. Kini nga kaso giandam na kuman alang sa pagpasaka ug inquest proceedings sa City Prosecutor’s Office. (Mark James Lisondra)