Malampusong nadakpan an 26 anyos na layaki sa gipahigayon na Drug Buy Bust Operation sa mga personahe sa Provincial Drug Enforcement Unit sa SDNPPO sa may Purok Mariposa, Narciso St., Brgy. Taft, syudad nan Surigao sa alas 3:00 an takna sa hapon.
Giila an suspek Jhunrick Lama, may live in partner, residente sa nahisgutang lugar. Nakompiskar sa posisyon sa suspek an isa ka pakite sa shabu pinalit sa posuer buyer mga gibana-bana motimbang sa 1 gram sa kantidad P6, 800 ka pesos ug laing tuyo ka pakite sa shabu nga gibana-bana motimbang sa kapin kon kuyang 5 grams sa kantidad P34, 000 ka pesos.
Nakompiskar isab an P1, 000 peso bill gigamit isip marked money ug mga non-drug paraphernalia. An tanan nakompiskar na shabu gibana-bana motimbang sa kapin kon kuyang 6 grams sa kantidad P40, 800 ka pesos. Sa pagka kuman an nadakpang suspek an jaon sa kustodiya sa SDNPPO.