Nabawian sa kinabuhi an isa ka 22 anyos na layaki human kini nag hikog sa ija giabangan na bayay sa Purok 3, Brgy. Magpayang, Mainit, SDN.
Nakilay.an an biktima nga si Jesryl Rebarbas, 22 anyos na layaki, lumad nga taga Davao ug kasamtangan nag huya sa nahisgutang lugar.
Sa imbestigasyon sa Mainit MPS ngadto na kay RJ Rollie mga alas 6:00 an takna nan duyom jadton Hulyo 8, 2024 parente sa biktma nagkanayon nga ija na unta iparking an motor sa bayay nan biktima hampan ija nakit.an an nga nag bitay na ug waya nay kinabuhi.
Dugang pa sa imbestigasyon nga posible an hinungdan sa paghikog sa biktima amo an uyab niini nga jaoy lain karelasyon an babaje. Matud pa nga an babaje naghuya ini sa Brgy. Cawilan, Tubod, SDN.
Sa pagka kuman an patay’ng lawas sa biktima an gidaya na sa Davao mga alas 3:00 an takna sa kadlawon kagahapong adlawa hampan an Mainit MPS nagpahigayon nan dugang imbestigasyon kung unoy hinungdan sa paghikog sa biktima. (Mark James Lisondra)