Arestado sa mga tinugayanan sa kapulisan an 21 anyos na layaki human kini nanumbag sa isa ka estudyante nga nahitabo sa Ohana Black Sand Beach Resort.
Nakikay.an an suspek nga si Charlie Azarcon Simbit, 21 anyos, ulitawo, residente sa Purok 4, Brgy. San Juan, Surigao City hampan an biktima nakilay.an nga si Giovanni Macaldo Amarille, 19 anyos, ulitawo, estudyante, resident sa Purok Dalia, Espina St., Brgy. Taft, Surigao City.
Basi sa imbestigasyon sa kapulisan nasayran samtang nagdisco party sa nahisgutang lugar, an suspek kalit gisumbag an biktima sa wayay igong rason hinungdan nga nakaangkon ini nan samad sa ija nawong.
Waya pa makontento an suspek nag skandalo pa sa suyod sa maong resort hinungdan naka hatag nan alarma ug nisangpot sa dakong kagubot sa suyod sa lugar rason nga kini gi.aresto sa mga tinugyanan sa kapulisan nga kung diin may naka destino sa nasampit nga lugar ug gidaya dajun sa buhatan sa kapulisan.
Posibling mag atubang sa kasong alarm and scandal an suspek ug detenado kuman sa Surigao City Police Station. (Mark James Lisondra)