20 ka mga pamilya tagtabangan ni Brgy. Luna Kapitan Rico Nagas aron makabalhin na sa pinuy-anan human apektado sa land development ug ang pag-abog na kanila sa UMRC.
Matud ni Nagas nga sa miaging buyan nagpatabang kaniya silang mga naghuyâ gikan sa Malico Bridge hangtud sa dili pa ang ikaduhang tulay nga Kinabutan Bridge 1 sa Surigao river aron dunay kabalhinan tapos madawat an abiso sa UMRC. Misugilon si Leonida Rivero, Chairman sa Purok Subâ ngadto sa Kapitan sa itanyag na 20,000 pesos sa UMRC sa dili pa molabay an Oktubre 30 apan kinahanglan gub-on anay an ila bayay.
Gumikan sa nabating problema, taghanap sa Kapitan nan paagi ug tag-offer kanila an isa ka bahin sa iyang 2.8 ektaryas nga lupa sa Brgy. Silop gawas na sa boundary sa Sitio Toril nga iyang ibaligya kanila isip relocation alang sa 20 ka pamilya sa tag 50 square meters sa kantidad nga 20,000 pesos lamang. Nagkasabot sila sa mga apektado nga ang ibayad kanila sa UMRC amo’y ipalit isab sa 50 square meters na ugbokan nan ila mga bayay. An lokasyon 5 minutos lamang kon biyahion gikan sa crossing sa National Highway ug molabay pa sa Sanitary Landfill.