Tagpahigayon an graduation ceremony sa mga estudyante na nakabenepisyo sa scholarship training program nan Technical Education and Skills Development Authority (TESDA) pinaagi sa Livelihood Training and Productivity Center (LTPC) nan Lokal na Panggamhanan nan Surigao kaiban an Surigao del Norte Provincial Training Center.
Mutotal sa 100 an malampuson na nakahuman sa mga lain lain na kurso. 25 trainees para sa Driving NC II gikan sa LTPC, 25 sab ka trainees sa Driving NC II gikan sa Provincial Training Center, sanan 50 ka trainees sa Agricultural NC I and NC II na gikan sa Marcos Tello JR (MTJ) Farm, an malampuson na mi-gradwar sa TESDA Training for Work Scholarship Program (TWSP) pinaagi sa tabang sanan pagpangusog ni Congressman Robert Ace S. Barbers sanan Senator Alan Peter S. Cayetano.
Ini na mga programa sa TESDA, na gisuportahan ni City Mayor Pablo Yves L. Dumlao II sanan ni Congressman Robert Ace S. Barbers, isa ka dako na lakang para matabangan an mga Batang Surigaonon na gusto makapangita nan panginabuhi sanan madugangan an ila mga kwalipikasyon o kahanas sa ila mga gipili na trabaho.
Mitambong sa seremonya sila City Mayor Pablo Yves L. Dumlao II, City Vice Mayor Alfonso S. Casurra, City Councilor Joshua Emilio Geli, City Budget Officer Atty. Jeffrey Galido, City Legal Officer Atty. Lex Joshua Andrew Silvosa, Supervising TESDA Specialist Buenafe G. Enaya, Provincial Director TESDA Surigao del Norte Dir. Catalina O. Tacubao, Representative-Office of Sen. Alan Peter Cayetano Daniel Rafael V. Banta, Representative-Office of Sen. Pia Cayetano Lanze Alzate, Representative and Chief of Staff of Cong. Robert Ace S. Barbers Liza Monteros, sanan LTPC Center Head/PESDO Manager Arciazel L. Lagrama.