Patay ang gituohang supporter sa Dawlah Islamiya terror group human kining misukol sa kapulisan atol sa gihimong anti-illegal drug operations miaging adlawa sa Prk. 9, Brgy Kinilis, Polomolok, South Cotabato. Naila ang suspek nga si Jamali Darenoh alyas Diamali Darenoh, 26 anyos, laborer ug residente sa Prk. 1, Brgy. Lapu sa nasangpit nga lungsod.
Sumala pa sa report nga nagpahigayon matud pa ug entrapment operation kapulisan sa Polomolok Municipal Police station kung asa target matud pa ang maong suspek. Apan atol sa operasyon, nakamatikod matud pa ang suspek nga mga Police ang iyang katransaksyon hinungdan nga nibunlot kini ug pusil dayon gipabuthan ang tropa sa kapulisan.Walay nahimo ang otoridad, ug mibalos kini nga gikaigo sa suspek.
Gisulayan pa kini sa pagdala sa hospital ang mga suspetsado apan gideklara kining dead on arrival.
Narekober sa lugar ang tulo ka mga basyo sa kalibre 9mm, kalibre 38 nga revolver nga may tulo ka buhing bala, duha ka sachet sa gikatahapang shabu nga nagkantidad ug kapin o kulang P2,000.00 ug sling bag nga gipanag-iyahan sa suspek. Sumala pa usab sa kapulisan nga ang suspek ang sumala pa usa sa supporter sa Dawlah-Islamiya Socsargen Khatiba. (John Rey Somido)