Narugyanen a nabakunaan kontra COVID-19 contact tracers ditoy probinsia nga Ilocos Norte.
Kadagupan kadagiti innem a pulo, uppat a pulo ket walo iti napabakuna iti AstraZeneca vaccine ken kaadduan kadakuada ket manipud iti Department of the Interior and Local Government (DILG), provincial government ken local government units.
Kinuna ni Maj. Roxanne Parado, head of the Ilocos Norte Central Operations Office, a dagiti contact tracers ket maysa kadagiti prayoridad iti probinsia kangrunaanna isuda iti maysa a sumangsangu iti situasyon.
Kabayatanna, kalikagum ni Gov. Matthew Marcos Manotoc a paigetan iti contact tracing efforts ti probinsia babaen iti panangnayun kadagiti contact tracers. (Alyssa Pagdilao, RPN DZRL Batac Correspondent)
(Source: Provincial Government of Ilocos Norte)