27.2 C
Manila
Friday, March 29, 2024

“Strengthening Of BFARMC And CFARMC” Alang Sa Barangay Minaog, Gipahigayun

- Advertisement -

Malampusong gipahigayon ang “Strengthening” kon “Pagpalig-on sa mga BFARMCs ug CFARMCs dinhi sa dakbayan” alang sa mga mangingisda sa Brgy. Minaog kaniadtong Marso 24, adlaw’ng Miyerkules, ning tuiga didto sa 2nd floor, Barangay Hall Minaog, ning dakbayan sa may ala-una ang takna sa kahaponon. Ang maong kalihokan ang gipangunahan sa buhatan sa City Agriculture uban sa pakigtambayayong sa Bureau of Fisheries and Aquatic Resources (BFAR) Regional Office IX.

Ang maong kalihokan ang gitambongan nila ni City Agriculturist, Engr. Kerr N. Porlas, kinsa mipa-abot sa iyang mahinungdanong mensahe atol sa maong kalihokan ug kanhi Regional Director sa BFAR IX, Dir. Virgilio Alforque, nga naghatag sa “rationale” alang sa mga mitambong nga mahatagan sila og dugang kasayuran ug matubag ang ilang mga pangutana ug tinguha may kalabot sa nasangpit nga kalihokan.

Lakip usab sa mitambong mao sila si Minaog Punong Barangay, Hon. Jonathan Peligrino, kinsa mipabati usab sa iyang mahinungdanong mensahe isip pagbukas sa maong kalihokan, AT-Fish Warden, Mr. Rosario T. Taruc, nga maoy mituki sa City Fisheries Ordinance kon Ordinance No. 09-213, Chairman ug Vice Chairman sa Committee on Agriculture and Food nga sila si konsehal Maynard R. Baes ug Praxides P. Rubia, ug si MSSFA President, Mr. Geronimo Eguia, kinsa pulos mipabati sa ilang mahinungdanon nga mga mensahe.

Tumong sa nasangpit nga kalihokan mao nga awhagon ang aktibong partisipasyon sa mga mangingisda dinha sa pagpanalipod sa kadagatan dinhi sa lokalidad uban sa pakigtambayayong sa Kagamhanang Lokal ning syudad. Lakip na niini mao usab ang pagkuha sa ilang mga mulo ug konsultasyon kabahin sa posibleng pag-amenda sa Ordinance No. 09-213 kon ordinansa nga nagdumala sa industriya sa pangingisda dinhi sa dakbayan. (City Information Office-jnp)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -