Kinablaawan ni Gob. Matthew Marcos Manotoc dagiti nagturpos ti Computer System Servicing NCII iti Marcos Agro Industrial School wenno MAIS.
Dinayawna dagiti maseknan iti idadalanda iti nasao a “training” gapu iti kinarigat ti panawen ken adda ti panagbaliw kadagiti kasapulan a trabaho.
Segun kenkuana, mamati a daytoy ti kasayaatan nga aramiden kadagitoy a gundaway a nupay awan ti trabaho ket nasken ti idaldalan iti panagsanay tapno manayunanan ti adal ket mabalin a gundawayan no adda ti maidiaya nga oportunidad.
Impeksa ti gobernador ti panangnamnamaan a babaen iti nasao a training ket mapagbalin a produktibo dagitoy ken makatulong saan laeng a kadagiti maseknan ngem para iti sibubukel a pamiliada.
Impatalged a sindadaan a kanayon ti gobierno probinsial a mangtulong kadagiti kaprobinsiaan.
Imbatad ni Manotoc a nakasagana ti probinsia a tumulong kadagitoy tapno maaddaanda ti pagtrabahoan iti masangoanan.
Inpanamnamana nga agtultuloy ti panagtarabay ti gobierno probinsial kadagiti kakailian saan laeng nga iti maminsan a gundaway ngem agingga nga agkasupalan dagitoy ti tulong.
Kagiddan daytoy, impadanon ti gobernador ti panagyanamanna iti Technical Education Skills Development Authority wenno TESDA iti panangiyuswatda iti nasao a training.
Mangnamnama ti gobernador nga agtultuloy ti napintas a panagbinnulig ti nadakamat nga ahensia ken ti probinsia para iti pannakaipaay ti ad-adu pay a training kadagiti kakailian.
(Ronald Domingo, RPN DZRL Batac Correspondent)
(Source: Provincial Government of Ilocos Norte)