Davao del Sur – Gideklara na ang State of Calamity sa munisipalidad sa Malalag, Davao del Sur tungod sa padayong nasinati-ang baha ingon man landslide asa nakaapekto sa daghanang barangay sa lugar.
Giaprobahan sa Sangguniang Panlalawigan ang Resolution Number 188 series of 2022 ang pagdeklara og State of Calamity sa tibuok lungsod aron nga magamit ang pondo sa relief ug rehabilitation operation.
Sumala ni provincial officer sa Davao del Sur nga si Sherwin Cesar, apektado sa baha ang tanang barangay sa lungsod labi na ang poblacion human miapaw ang tubig sa sapa palibot sa lugar.
Samtang, dali usab nga gibisita ni Davao del Sur Governor Yvonne Cagas ang mga apektadong lugar aron personal nga masusi ang sitwasyon ug masuta ang danyos sa kalamidad samtang mibisita usab sila Vice Governor Riafe Cagas-Fernandez ug Cong. John Tracy Cagas sa pipila ka mga barangay sa lugar. (Camille Santos Naraga)
(Source: Davao del Sur Provincial Information Office)