General Santos City – Anaa sa Oval Plaza sa syudad ang designated area sa mga vendor ug pyrotechnics, kini ang gikumpirma ni SFO1 Oliver Afeche, sa BFP-Gensan.
Sumala niini nga una nang giaprobahan ni Gensan City Mayor Lorelie pacquiao ang hangyo sa mga vendor ug pyrotechnics nga sa Oval Plaza ibutang ang ilang mga stalls.
Gawas sa Oval Plaza, aduna usab designated area sa uban pang barangay sa Gensan kansa hugtanong ginamonitor sa mga sakop sa Bureau of Fire Protection ning dakbayan.
Dugang pagbutyag ni Afeche nga sila sa BFP-Gensan ila gyud gisigurong nasunod sa tanang vendor ang ilang guidelines sa pagpamaligya ug Pyrotechnics.
Usa niini ang gidak-on sa stalls, pagbutang ug tubig ug fire extinguisher ingon man perimeters fence aron nga makontrola ang mga tawo nga muadto sa ilang mga stalls. Bawal usab ang ga minor de edad nga musulod sa feremeters fence sa stalls.
Dugang pa ni Alfeche, matag karon ug unya, ilang gina-inspection ang mga stalls sa pyrotechnics sa Oval Plaza ug uban pang designated area aron masigurong dili mulapas sa regulasyon ang mga vendors ug aron masigurong malikayan ang unsa mang disgrasya.
Dugang pa ni SFO1 Alfeche nga subay sa ilang naunang gihimong monitoring wala man silay nakit-ang unsa mang violations sa mga vendor.
Apan padayon gihapon ang ilang pagbantay aron nga masiguro nga walay disgrasyang matigayon atol sa  pagdagsa sa mga tawong mamalit ug pyrotechnics.
Dili buot sa BFP-Gensan nga mahitabo subli ang nahitabo pipila ka tuig na ang nakalabay diin aksidenteng nibuto ang mga baligyang fire crackers sa pipila ka stalls nga nahimutang gihapon sa Oval Plaza. (Fred Degala)