Davao City – Gibutyag ni Dr. Marie Yvette Barez, Adult Infectious Diseases Specialist sa Southern Philippines Medical Center (SPMC) nga, dakong hagit karon sa ospital ang pagresign sa mga nurse nga nagresulta sa pag-kulang na karon sa health staff sa naasoy nga hospital.
Matag adlaw dunay lima ka mga nurse ang naga-resign sa ilang trabaho nga mihatud sa dakong kawad-on bisan pa man nga dunay bag-ong nurse ang madawat sa SPMC.
Kini mihatud sa dakong kabalaka sa kadumalahan sa maong balay tambalanan nga padayon ang pagkanaog sa puwersa sa mga nurse nga naga-atiman sa mga pasyente sa COVID-19 facility.
Gumikan niini walay undang ang pagpang-dawat ug mga aplikante nga nurse sa SPMC aron matubag ang panginahanglanon sa mga COVID-19 patients.
(Source: Davao City Information Office)