34.7 C
Manila
Thursday, March 28, 2024

Social Pension sa hamtong mahatag na

- Advertisement -

CAGAYAN DE ORO CITY, June 7 — Sugdan na sa pagpanghatag sa buhatan  sa Department of  Social Welfare and Development (DSWD) ang social  pension  alang sa mga hamtong sa syudad sa Cagayan de Oro.

Sumala ni konsehal Leon Gan, chairman sa komite sa senior citizens, nga ang maong impormasyon iyang nadawat gikan sa buhatan sa DSWD diin ang una ug ikaduhang kwarter maoy madawat sa mga igsoong hamtong.

Sugdan karong Hunyo 9, ning tuig ang pagpang-apod apod diin dinha himuon sa City Tourism Hall. Gitino ni konsehal Gan nga adunay ubang barangay nga didto ang venue sa pagpanghatag sa mga malls  ug covered court.

Gihangyo sa konsehal ang tanan sakop nga magpakisayod sa ilang mga tagsa tagsa ka chapter president aron dili kini maglibog panahon sa pagpang apod apod.

Tipik sa natala ang Barangay 1-40 diin didto himuon ang pagpanghatag sa SM Downtown sa umaabot Hunyo 15, ning tuig, samtang sa Hunyo 11 ang mga barangay gikan sa  Besigan, Bayanga, Lumbia, Taglimao, Pagalungan, Tumpagon, Dansolihon ug Mambuaya didto kini himuon sa SM Uptown.

Nanawagan  si  Gan  sa tanang mga senior citizen nga moduol sa ilang mga leader aron masayran nila ang gitakdang eskedyul alang sa ilang mga barangay.

Dako ang panghinaut sa konsehal nga magamit sa mga hamtong alang sa ilang panginahanglan ilabina ang tambal nga mauy sagad mulo  sa atong mga igsoong hamtong. (eor/El Kapitan/CdeOSP)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -