Davao City – Naharang sa mga sakop sa Task Force Davao, Bureau of Customs XI (BOC) ug Toril Police Station ang mga smuggled nga sigarilyo atoll sa Checkpoint sa Barangay Sirawan Toril District Davao City kagahapong adlawa, Enero 9.
Giila ang suspek kinsa sakay sa pick-up nga si Lyndon Lumapas, 44-anyos ug lumulupyo sa Sinaliwan, Matanao, Davao del Sur.
Sumala ni Captain John Louie Dema-ala, Public Information Officer nakumpiska sa usa ka pick-up kinsa pasulod sa dakbayan ang 500 reams sa sigarilyo.
Dugang niini, nga mukantidad ug kapin P250,000 pesos ang giingong mga sigarilyo.
Samtang sa laing bahin aduna usab nakumpiskang mga smuggled cigarettes kagahapon sa buntag sa Task Force Davao Checkpoint sa Barangay Lacson Calinan nga nagkantidad og kapin P70,000. (Camille Santos Naraga)
(Source: Task Force Davao)