An SM Prime Holdings mitakda pag-abli sa SM City Butuan silom Biyernes sa ilang pinakaunang mall sa CARAGA region.
Ini may floor area na 48,278 square meters, sa highway sa JC Aquino Avenue, Butuan City, Agusan del Norte.
An bag-o na mall amoy ikaunom nila na SM sa Mindanao, tagtan-aw na entertainment sanan economic hub sa mga probinsiya sa Agusan del Sur, Dinagat Islands, Surigao del Norte sanan Surigao del Sur.
“The steady economic growth demonstrated by Mindanao over the past years has driven SM Prime to pursue its expansion in the region delivering integrated property developments in various key areas in Mindanao,” sumaya pa ni SM Prime President Jeffrey Lim.
An SM City Butuan jaoy tuyo ka andana. Anhi dinhi an mix nan local sanan foreign stores, brands, The SM Store, SM Supermarket, SM Appliance Center, Our Home, ACE Hardware, Uniqlo, Sports Central, Surplus Shop, Body Shop, Crocs, Miniso, Goldilocks, Watsons sanan BDO.
An idjo paborito na local sanan international food chains, specialty restaurants sama sa Mesa, Sunnies Café, Kenny Rogers, coffee and milk tea outlets sama sa Starbucks, Chatime, Macao Imperial Tea, sanan Gongcha.
Jaoy sab Butuan-based tenants sama sa Fulcrum Café, Custodio Medical Clinic, Bella Mecanica Nail and Waxing Salon, sanan Alot Barbero Lokal.
An SM City Butuan nagsunod sa safe malling pinaagi sa tagpatuman na high-standard hygiene checks sanan health protocols sa syudad sama sa mandatory face masks sanan shields, temperature checks and sanitation sa imo pagsuyod. May ila isab Trace Together para contact tracing na jaoy QR code.
May upat isab ini na up-to-date SM Cinema facilities, SM Cyberzone, open parking for customer convenience na may 765 parking slots lakip na sa 561 regular cars, 86 motorcycles, 10 para sa PWD vehicles sanan 8 para senior citizens. Jaoy sab helipad sanan transport bay an SM City Butuan.