27.2 C
Manila
Friday, March 29, 2024

Sitio Barrio Site Sa Maasim Gipailalum Sa ECQ Samtang Ginahulat Ang Swab Test Sa Mga Nakaduol Sa OFW Nga Nag-Positibo, Duha (2) Sila Karon Sa Glan LSI Nga Nagpabilin Sa Sarangani Provincial Isolation Facility

- Advertisement -

Pinaagi sa executive order, gipailalum ni Mayor Zyrex Pacquiao sa ECQ kon Enhanced Community Quarantine ang usa ka sityo sa munisipyo sa Maasim, partikularminte ang Barrio Site, samtang ginahulat ang resulta sa swab test sa tanang indibidwal nga nakaduol sa Returning OFW nga nag-positibo sa Coronavirus.

Segun ni Doctor Arvin Alejandro, ang provincial health officer, kagahapong adlawa, adlaw nga Miyerkules, Hulyo 1, nagsugod ang ECQ sa Barrio Site alayon sa rekomendasyon ni Governor Steve Chiongbian Solon subay usab sa bag-ong guidelines sa National Task Force kabahin sa zoning. Mabutang matud pa sa klasipikasyon nga critical zone ang Barrio Site tungod adunay usa ang nag-positibo, rason nga pwedeng maka-deklara og ECQ ang munisipyo. Samtang ang mga katapad nga purok ug barangay ang gitawag nga containment zone, buffer zone ug outside buffer zone.

Hinuon, dili man kini local transmission gumikan dinala kini sa maong babaeng OFW nga singkwentay dos (52) anyos. Una pa man gideklara ang usa (1) ka adlaw nga lockdown sa Maasim niaging adlaw nga Martes ug ang ECQ sa Barrio Site sugod kagahapon, Miyerkules, nipailalum na sa kwarantina ang mga kabanay sa OFW nga gituuhang adunay close contact.

Natapos na ang swab testing ngadto sa adunay direct contact sa Maasim OFW pinaagi sa pagtinabangay sa taga-Department of Health, Sarangani Provincial Health Office ug Maasim Municipal Health Office. Resulta na lang karon ang gipaabot gibana-banaan nga mugawas kini human sa tulo (3) ka adlaw.

Sa kasamtangan, duha (2) ka pasyente ang nagpabilin sa Sarangani Provincial COVID Isolation Center: kining Maasim OFW ug ang Glan LSI/locally stranded individual. Una ng nag-negatibo sa ikaduhang swab test ang OFW taga-Alabel. Nag-negatibo napud sa swab test ang LSI taga-Maitum.

Kadtong LSI taga-Malapatan ang wala na dal-a sa provincial isolation facility, anaa kini sa municipal isolation center nagpaabot sa dungag nga swab test tungod wala kini sintomas. Naghulat na lang usab ang Glan LSI sa bag-ong resulta. Ang Maasim OFW ang nagpabilin nga anaa sa stable nga kondisyon.

Samtang, adunay nadungag nga nag-positibo sa probinsya sa Sarangani, usa ka lalaking OFW taga-Kiamba, trayntay-uno (31) anyos. Wala kini sintomas maong anaa kini karon sa Kiamba municipal isolation facility. Walay nakaduol kaniya nga myembro sa pamilya sa iyang pag-quarantine.

Sa natigayon nga meeting atong adlaw nga Martes sulod sa municipal hall sa Maasim kauban ang health department, anaa mismo nitambong sila Governor Solon, Mayor Pacquiao, Vice Mayor Visitacion Nambatac, PNP Sarangani Provincial Director Col. Michael Lebanan, mga kasundaluhan sa 37th IB naka-basi sa MaKiMa area, Colon Barangay Council, ug ang Department of Education. Suportado pud kini nga mga lakang nila Vice Governor Elmer De Peralta, tanang board member ug nila Senador Manny ug Congressman Ruel Pacquiao.

Nasabutan nga usahon ang municipal quarantine center sa Maasim aron tingub ang pag-monitor sa mga LSI ug OFW. Susama sa ubang mga lungsod sa Sarangani, makanunayon nga ginabantayan sa pagpanguna sa taga-munisipyo katugbang ang kapulisan ang quarantine facility aron mapugngan ang paggawas-gawas sa mga naka-kwarantina ug hugot mapatuman ang quarantine protocol, pagsul-ot og face mask, physical distancing ug ang pagdili sa panagtapok sa tao.

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -