Serye sa mga pagpamatay sa GenSan, gipasulbad ni Mayor Pacquiao sa PNP

0
4

General Santos City – Pinaagi ni Gensan City Administrator, ATTY. FRANKLIN GACAL JR. gimando-an ni Gensan City Mayor LORELIE PACQUIAO ang liderato sa kapulisan ning dakbayan sa pagsiguro paghatag og kasulbaran sa mga insidente sa pagpamusil-patay nga nahitabo sa siyudad nga mikabat na sa kinatibuk-ang 24 ka biktima ning tuiga, aron dili na mahitabo ang susamang mga insidente sa naasoy nga krimen.

Matud ni Atty. Gacal, hugot nga gimando ni Mayor Pacquiao ngadto kang City Police Director PColonel Nicomedes Olaivar aron sulbaron ang sunodsunod nga pagpamatay sa s’yudad nga gika-alarma na sa katawhan. “𝙐𝙥𝙤𝙣 𝙞𝙣𝙨𝙩𝙧𝙪𝙘𝙩𝙞𝙤𝙣𝙨 𝙤𝙛 𝙈𝙖𝙮𝙤𝙧 𝙇𝙂 𝙋𝙖𝙘𝙦𝙪𝙞𝙖𝙤, 𝙄 𝙖𝙨𝙠𝙚𝙙 𝙩𝙝𝙚 𝙂𝙎𝘾𝙋𝙊 𝙪𝙣𝙙𝙚𝙧 𝙩𝙝𝙚 𝙬𝙖𝙩𝙘𝙝 𝙤𝙛 𝙋/𝘾𝙤𝙡. 𝙊𝙡𝙖𝙞𝙫𝙖𝙧 𝙩𝙤 𝙜𝙞𝙫𝙚 𝙖 𝙨𝙩𝙖𝙩𝙪𝙨 𝙧𝙚𝙥𝙤𝙧𝙩 𝙤𝙣 𝙩𝙝𝙚 𝙨𝙝𝙤𝙤𝙩𝙞𝙣𝙜 𝙞𝙣𝙘𝙞𝙙𝙚𝙣𝙩𝙨 𝙛𝙧𝙤𝙢 𝙅𝙖𝙣𝙪𝙖𝙧𝙮 𝙩𝙤 𝙅𝙪𝙡𝙮 8 . 𝙄 𝙧𝙚𝙡𝙖𝙮𝙚𝙙 𝙩𝙤 𝙤𝙪𝙧 𝙋𝙉𝙋 𝙩𝙝𝙚 𝙨𝙩𝙧𝙞𝙘𝙩 𝙞𝙣𝙨𝙩𝙧𝙪𝙘𝙩𝙞𝙤𝙣𝙨 𝙤𝙛 𝙈𝙖𝙮𝙤𝙧 𝙇𝙂𝙋 𝙩𝙤 𝙨𝙤𝙡𝙫𝙚 𝙩𝙝𝙚 𝙨𝙥𝙖𝙩𝙚 𝙤𝙛 𝙠𝙞𝙡𝙡𝙞𝙣𝙜𝙨 𝙖𝙣𝙙 𝙥𝙪𝙩 𝙖 𝙝𝙖𝙡𝙩 𝙤𝙣 𝙩𝙝𝙚𝙨𝙚 𝙞𝙣𝙘𝙞𝙙𝙚𝙣𝙩𝙨.” ang post ni Atty. Gacal sa iyang FBaccount.

Si Col. Olaivar gi-imbitar usab sa Sangguniang Panlungsod niadtong Martes aron i-update ang mga magbabalaod sa dakbayan sa sitwasyon sa kalinaw ug kahapsay tungod kay ang ihap sa mga gikatahong biktima sa mga insidente sa pagpamusil misaka ngadto sa 24 gikan sa Enero hangtud karong pirmirong semana sa Hulyo 2024.

Atua na unta sa Session Hall sa SP-Gensan si Olaivar kagahapong adlawa, Martes. Apan, gumikan sa emerhensiya mibalik sa iyang Opisina ang maong Opisyal ug pakyas kining nasalang Question and Hour portion sa Konseho. Nasayran, nga sa mi-aging semana gimugna ni Col. Olaivar ang ilang anti-crime strategy plan nga gitawag og OPLAN GSCPO (Guarding Society: Combatting Pervasive Offensive) 2024.

Pero, usa ka adlaw gikan sa kamugnaan sa maong anti-crime strategy plan kono, aduna na sab laing biktima sa pagpamusil sa dakbayan, hinungdang lantaw sa katawhan sa dakbayan walay pulos ang gimugna nga OPLAN GSCPO 2024.

Leave a Reply