Balor sa P6.8 milyones sa shabu ang nasakmit gikan sa usa ka High Value Target (HVT) atol sa gipahigayon nga drug buy bust operation didto sa Barangay Poblacion Ipil, Zamboanga Sibugay, sa nakalabayng gabie Hulyo 9, 2024.
Ang suspetsado nailhan sa pangalan nga si Kausar Tapsi Arabi, 56 anyos ug lomolopyo sa Kasalamatan Village, Kasanyangan, Zamboanga City.
Atol sa maong operasyon nakaikyas ang gikatahong iyang kauban nga si alias “Uddin Alih”.
Nakuha gikan sa posisyon sa suspetsado ang usa ka bag nga adunay sulod nga shabu nga nagkantidad ug P6.8milyones.Ang maong dinakpan giila nga HVT sa PDEA.
Sa pagkakaron ang suspetsado gikasohan na sa paglapas sa RA 9165 kun Comprehensive Dangerous Drug Act of 2002.
Matud pa ang nakaikyas nga kauban sa suspek gipadayun pa nga gipangita sa mga kapolisan. (Angelica T. Obina)
(Source:ZNPPO)