Gipahigayon an serye sa TUPAD (Tulong Panghanapbuhay sa Ating Disadvantaged/Displaced Workers) payouts para matabangan an mga disadvantaged groups sanan informal sectors pinaagi sa emergency employment. An matag benepisyaryo nakadawat nan P3,850.
Nahitabo an pinakauna na payout kuman na buyan para sa Lungsod nan Mainit sanan Tubod didto sa Pijanga Hall, Mainit sanan Tubod Municipal Gym, Tubod. 175 ka benepisyaryo gikan sa Mainit sanan 175 sab ka benepisyaryo gikan sa Tubod an nakadawat nan ini na ayuda.
Gipahigayon an payout sa Malimono sanan San Francisco sa Brgy. Cayawan Gymnasium, Malimono adton Hunyo 14, 2024. Jaon sa 175 ka benepisyaryo gikan sa Malimono sanan 175 sab ka benepisyaryo gikan sa San Francisco an nakadawat nan TUPAD payout.
An payout para sa Ikaduha na batch sa Surigao City gibuhat sa Provincial Social Services Center Building, Provincial Manpower and Employment Office, Surigao City, diin 110 ka benepisyaryo gikan sa Surigao City an nakadawat sa ila ayuda na P3,850 kada isa.
An pondo para sa Ini na programa gikan sa Department of Labor and Employment Office (DOLE) sa Surigao Del Norte na nagsuporta sanan naglihok isip partner agency para sa TUPAD payout ubos sa pagpaningkamot ni Gov. Robert Lyndon Barbers.
An programa gipajagan para matabangan an mga tawo na nawad-an nan trabaho sanan an mga jaon sa informal sectors na naglisod sa pagpanginabuhi. An temporaryo na trabaho sanan pinansyal na suporta na gihatag sa TUPAD na programa daku karajaw na tabang sa mga benepisyaryo sanan sa ila mga pamilya.
Ini na kalihokan wayay tagpili sanan taghatag sa mas daku an panginahanglan. (Mark James Lisondra)