General Santos City – Ang kagamhanan sa dakbayan sa General Santos, pinaagi sa liderato ni Mayor Lorelie Pacquiao, gihatagan ug Seal of Good Local Governance Award sa Department of the Interior and Local Government.
Gianunsyo sa DILG-12 kaganinang buntag nga 714 ka local government units ang nakasulod sa listahan karong tuiga sa naasoy nga pasidungog.
Gapamatu-od lamang ang maong award nga nakab-ot sa LGU-Gensan ang taas nga marka sa lain-laing aspeto sa pagdumala, lakip ang transparency, accountability, ug mga programa nga nakatutok sa kahimsog, edukasyon, ug kahusay, diin usa matud pa kini ka testamento sa maayong pagdumala sa administrasyong Pacquiao.
Gawas sa GenSan, ang mga siyudad sa Kidapawan, Koronadal ug Tacurong sa rehiyon sa Soccsksargen mao usab ang naghimo sa listahan. (Rem Agdao)