Sinaludaran ni Gob. Matthew Marcos Manotoc dagiti nakapasa a baro nga abogado iti probinsia nga Ilocs Norte.
Impadanonna ti nabara a panangkablaawna iti Mariano Marcos State University kangrunaanna iti College of Law a nakapataud kadagiti nadakamat a baro nga abogado.
Daytoy ket kalpasan ti napintas a nagapoanan dagiti nagturpos iti unibersidad a nakapaset it Bar Examination a naisayangkat idi bulan ti nobiembre iti napalabas a tawen 2019.
Naammoan a sangapulo ket maysa kadagupan dagiti sangapulo ket lima a nageksamen manipud it MMSU College of Law ti nakapasa iti nasao nga eksaminasyon.
Mainaig iti daytoy, nagun-od ti unibersidad ti institutional passing rate a 73.33 a porsiento idinto a 27.36 a porsiento ti national average.
Nabigbig dagiti bar passer manipud ti MMSU a da Atty. Joeshua Kaye Q. Agcaoili, Aprille S. Alviarne, Michael Justin T. Baldugo, Marvinson Mark B. Dalayap, Phillip Victor G. Garvida, Myko  F. Mendoza, John Nico R. Lucero, Von G. Pastor ken Jerry C. Villegas Jr.
Pakaseknan daytoy, ibilag ti gobernador a nagasat pay laeng ti Ilocos Norte iti kaadda ti napintas a damage a nangparegta ken nangbiag ti namnama dagiti kaprobinsiaan babaen ti kaadda dagiti sangapulo ket maysa a baro nga abogado manipud iti probinsia iti baet ti krisis a paspasaren ti intero a lubong gubuay ti COVID-19.