Davao Oriental: Human sa duha ka tuig, pormal na nga giabrihan sa publiko ang San Salvador del Mudo Parish nga nahimutang sa lungsod sa Caraga, Davao Oriental pinaagi sa usa ka misa atol sa sa selebrasyon sa ika-136 ka tuig nga kapistahan sa Simbahan kaganiha, Hulyo 16, 2020.
Gipanguluhan ni Most Reverend Bishop Abel Apigo sa Diocese of Mati ang thanksgiving mass diin nitambong ang mga katawhan sa Caraga ug pipila ka lokal nga opisyales samtang srtriktong gipatuman ang pag-obserba sa Minimum Health Standards.
Gipadayag ni Davao Oriental Governor Nelson Dayanghirang ang iyang dakong kalipay sa pag-abri usab sa maong makasaysayan nga simbahan nga usa ka simbolo sa panaghi-usa ug pagtinabangay sa gobyernno ug sa simbahan.
Giduso pa ni Gov. Dayanghirang nga sa ginagmay ug personal nga pamaagi, andam siya kaunay sa pagsuporta sa mga pagpaningkamot sa simbahan.
Ang San Salvador del Mundo Church ang ginaila nga usa sa pinakamakasaysayan nga simbahan sa tibuok Mindanao.
Nadeklara kini nga usa ka national historical site niadtong tuig 2020 ug gigahinan sa National Historical Commission of the Philippines (NHCP) ug P20 million alang sa “restoration” niini. | via Neela Duallo | Photos by Eden Jhan Licayan