31.9 C
Manila
Saturday, April 13, 2024

Saka hiktaryang lupa nga gidonar Sa I Cortes Development Corporation sa probinsiya sa Surigao del Norte

- Advertisement -

Wayay kabutangan sa kalipay ni Prov`l. Gov. Lyndon S. Barbers gumikan kay niadtong adlaw`ng Sabado Enero 13, 2024 alas dos ang takna sa hapon mismo sa ija opisina sija sanan si Engr. Boy Cortes ang tag ija nan I Cortes Development Corporation (ICDC) nag pirmahay sa Deed of Donation sa Isaka hiktaryang Lupa nga tokoran nan Bagsakan Center sa Probsinsiya sa Surigao del Norte nga jaon sa Sitio Looc, Brgy. Luna ning dakbayan sa Surigao.

Laong ni Gov. Barbers dako an ija pasalamat ni Engr. Boy Cortes ug ingon man sa pamilayang Cortes gumikan sa ilang pag donar ang isaka hiktarya nga lupa nga kong somadahon mokantidad ini nan 50 milyones ka pisos. Ug didto naka saad sa dokomento nga kinahanglan may improvement ang lupa soyud sa isaka tuig.

Dugang pamahayag sa gobernador, sa ija kuman administrasyon dako ang gikatabang sa pamilyang Cortes sa natad sa pag palambo sa programa sa Agrikultura labina kay ang maong Bagsakan Center para ini sa mga mag-uuma sanan sa mga mangingisda sa entero Probinsiya sa Surigao del Norte.

Sila City Vice Mayor Alfonso S. Casurra ang Ligal Council sa I Cortes Dev`t. Corporation ug City Councilor Jeonil B. Aldonza ang Administrador sa I Cortes Dev`t. Corporation (ICDC) sanan si Punong Brgy. Neil Vincent B. Aldonza Punong Brgy. sa Brgy. Luna ning Ciudad maoy misaksi atol sa pag pinirmahay nila Gov. Lyndon S. Barbers ug Engr. Boy Cortes sa Deed of Donation sa nahisgutang lupa. Matud ni Gov. Barbers dako usab an ija pasalamat sa ini na mga tawhana na amoy nag silbing tulay nga nahimugso ang Deed of Donation tali sa I cortes Development Corporation (ICDC) sanan ang kagamhanan sa Lalawigan sa SDN.

Gipasabot ni Gov. Barbers sa pipila ka mga sakop sa Local Media ning Ciudad sa Surigao kong mag operate na ini, panahon na nga ang mga Surigaonon dili na maka sinati sa kamahal sa mga gulayon o mga produkto sa Agrikultura, tongud kay moagi naman sa nahisgutang balay patigayon. Sanan mawaya na ang tag laong nga middle man, ug tumpak laong ni Gov. Barbers swerte kay natonong gajud ini sa ija programa ang 10th point agenda.

(Source: Provincial Media Affairs Office – Surigao del Norte Facebook page)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -