31.9 C
Manila
Thursday, March 28, 2024

Reklamo Sa Usa Ka Barangay Kagawad, Gitubag Sa Personahe Sa Provincial Peso

- Advertisement -

Surigao City – Gitubag sa personahe sa Public Employment Service Office (PESO) sa probinsya sa Surigao del Norte ang reklamo sa usa ka Kagawad sa Brgy. Nabago, sakop ning dakbayan nga mao si HON. MERLYN AGLANAO kalabot na sa pagparehistro alang sa training sa driving didto sa TESDA Provincial Training Center (PTC).

Basi na sa gipadangat nga reklamo sa nasampit nga Kagawad nga sumala pa gibakakan siya ni MRS. EVELYN OUANO, ang Administrative Assistant II sa nahisgutang buhatan, nga matud pa niadto lang Marso 11, ning tuiga nagsugod ang training sa driving apan sa iyang pagfollow-up niadtong Marso 22 giingnan lang siya nga wala pa nagsugod.

Depensa ni Mrs. Ouano nga ang pagparehistro sa nasampit nga Kagawad nahitunong sa mga slot nga gibudgetan matud pa ni Cong. Bingo Matugas alang sa mga prayoridad niini. Hinuon giingon sa mao nga personahe nga kabahin gihapon si Hon. Aglanao sa ilang endorsement sa sunod nga mga slot alang sa PTC.

Sa laing bahin, giklaro sa bag-ong Administrator sa PTC nga miasumer niadto lang Pebrero 11, 2021 nga mao si ENGR. EDWIN LANQUINO, nga wala’y labot ang training center sa pagpangrehistro sa mga buot mutuon sa mga libreng training sanglit ang ilang papel mao man lang ang pagbansay sa tanan nga gi-endorso o na-enroll sa ilang buhatan.

Gisugyot sa administrador nga mubalik ug muhimo ug pakisusi si Hon. Aglanao sa buhatan sa Provincial PESO tungod kay ang TESDA PTC gi-co-managed man sa panggamhanan sa probinsya.

(Photo courtesy of Mer Lyn Facebook account, videos courtesy of Jun Prex Salubre)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -