Cagayan de Oro – Supportado nila Cong. Rufus Rodriguez ug Barangay Nazareth Kap. Atty. Regine Rodriguez ang rehiyunal ang pagpamalit sa mga toolkits ubos sa Special Training for Employment Program (STEP) aron mahunong ang grabe ka taas nga pagkalangan sa pagpagawas niini.
Si TESDA Region 10 Director Dan M. Navarro mipasalig nga makig-alayon sa TESDA Central Office bahin niini ug mipasalig kang Cong. Rufus nga makigtambayayong sa Congressional Office aron magarantiya ang dekalidad nga skills education sa mga Kagay-anon.
Mipasalig usab, si Cong. Rufus nga magpadayon sa pag-champion alang sa usbaw sa budget sa TESDA alang sa FY 2025 aron mas matabangan ang ahensya sa mandato niini sa paghatag sa gikinahanglan kaayong skills training nga mag-andam sa mga indibidwal alang sa trabaho o negosyo.
Nagpasalamat siya kang RD Navarro ug sa mga kawani sa TESDA-10 sa padayon nga pakig-alayon sa Congressional Office.
News and photo by Cheleste Simene