Ang Assistance to Individuals in Crisis Situation (AICS) Program sa Department of Social Welfare and Development, kaiban ang Tingog Partylist Surigao del Norte ug City Social Welfare and Development Office nihatag og suporta sa mga residente gikan sa 54 ka barangay sa Surigao City, kagahapong adlawa, Marso 22, 2024.
Mikabat sa 812 ka indibidwal ang nakadawat og P3,000 kada isa isip cash aid. Ang mga benepisyaryo gipili base sa giila nga dinalian ug substantial nga mga panginahanglan, subay sa isa ka proseso sa validation aron masiguro nga sila ang mahatagan.
Ang pagpanghatag gitambongan ni City Social Welfare and Development Assistant Officer Mark Caven Salar, Brgy. Captain sa Brgy. Washington Christopher Bonite, ug Tingog Partylist Surigao del Norte Admin Staff Delberjoy Hermoso.
Kini nga inisyatiba nagpakita sa padajon nga pasalig sa gobyerno ug sa mga kaiban niini sa paghatag og suporta sa mga residente sa Surigaonon nga nag-atubang sa pinansyal nga kalisdanan. (Mark James Lisondra)
(Photo courtesy: Surigao City PIO FB Page)
