Pannakaiyimplimentar dagiti nagduduma a proyekto para ti ad adda pay a panagdur-as iti ekonomiya ti pagilian ken iti probinsia.
Daytoy ti maysa kadagiti napagsaritaan da Gobernador Matthew Marcos Manotoc ken DTI Regional Director Atty. Raymond Panhon ken Asst. Regional Director Merlie Membrere.
Immune una ngem iti daytoy, nagcourtesy call ken dagiti dua nga opisial ti DTI iti opisina ti gobernador iti kapitolio probinsial.
Nagpakaammo dagitoy kagiddan iti panangidasar proyekto ken programa ti kooperatiba para iti alalisto pay a panagprogreso, panangipalawa ti negosio ken panagsisinnukat ti kapanunutan ken istratehiya.
Gagem iti daytoy ken tapno mapapigsa ken mapatibker pay iti local nga ekonomia ken itandudu ti agtultuloy a panagdur-as kadagiti proyekto iti probinsia.
Naragsakan met ti gobernador iti napintas a gagem ken plano dagiti dua a Regional ken Asst. Regional Director ti Dept. of Trade and Industry para iti Ilocos Norte. (Rod Sadian)