Davao de Oro – Patay diha-diha dayon ang usa ka pulis human kini gipusil samtang igo lang kining nagpaayo sa iyang sakyanan. Giila ang biktima nga si PCpl. Rex Emuy, 42-anyos nga residente dinhi sa dakbayan sa Davao apan nadestino sa Provincial Drug Enforcement Unit sa Davao De Oro.
Subay sa report sa mga otoridad, samtang si PCpl. Emuy Tua sa Tulio Auto repair shop, apan, kalit lang nga dunay usa ka wala maila nga suspek mipusil sa biktima tumong sa nagkadaiyang bahin sa iyang kalawasan. Human sa nasangpit nga pagpamusil, dali nga misibat ang suspek padulong ngadto sa Montevista Davao De Oro.
Narekober sa mga mirespondeng kapolisan ngadto sa crime scene ang mga bala nga sa .45 pistol nga gigamit sa mamumuo pagpatay sa biktima. Nagpadayon pa karon ang gihimong imbestigasyon sa mga pulis kung unsay motibo sa pagpusil patay sa biktimang pulis ug kinsa ang mga suspek.
(Source: PRO 11)