Dakong pasalamat sa libuang PSPP volunteers kon Purok Supply Point Persons ug mga Purok Enumerators sa pag ila sa mga tawo sa matag purok aron mahatagan ug ayuda sa LGU ug DSWD social amelioration program sa milabayng bulan sa Abril ug Mayo kasamtangang tuig tungod sa global pandemic nga Covid 19 ug karon gihatagan kini ug pahalipay gikan sa lokal nga gobyerno sa syudad sa GenSan pinaagi ni GenSan City Mayor Ronnel Rivera.
Ang 26 ka mga barangay sa syudad adunay mga PSPP nga maoy kaabag sa LGU sa pag distribute sa bisan unsang ayuda sama sa bugas, delata, noodles ug uban pa ug apil niini ang gihimong profiling sa mga residente sa Purok aron makadawat sa SAP sa DSWD nga gipahatag ni Pangulong Rodrigo Duterte.
Ang matag enumerators sa PSPP ang midawat ug ₱ 3,900 isip pahalipay sa LGU ug ayuda kalakip ang mga aktibong Purok Chairpersons.
Ang pundo ang giaprobahan kini sa konseho ning syudad pinaagi ni City Councilor Jeng Gacal ug hiniusang giaprobahan sa tanang mga konsehal sa syudad ug ni Mayor Ronnel Rivera.
Atol sa distribution gipatuman ang social distancing, face mask ug face shields ug uban pang health protocol batok Covid 19. (Roniel Degorio, RPN DXDX GenSan)
