Nagapela manen ni Provincial Veterinarian Dr. Loida Valenzuela iti panagbalin a responsible pet owners.
Kangrunaan a dinakamat ni Dr. Valenzuela dagiti addaan iti taraken nga aso gapu iti kaadu manen dagiti agwarang warang nga aso iti kalkalsada.
Segun kenkuana, ti panagtaraken iti aso ket masapol nga ited ti umno a taraon tapno saan da nga agsapul ti kanen da iti ruar.
Namunganay daytoy kalpasan nga adu manen dagiti agwarang warang a taraken a makagapu pay iti pannakaaksidente dagiti sumagmamano a motorista.
Gapu iti daytoy, kiniddaw na kadagiti maseknan nga agtartaraken iti aso ti panangigalot kadagiti taraken nagruna kadagiti daladal ti tao.
Inpalagipna nga adda iti multa dagiti matiliw ti tarakenna nga aso kadagiti kalkalsada wenno simrek iti uneg ti arubayan ti sabali.
Inpalagip met ni Provincial Veterinarian nga adda ti nabukel a linteg wenno Rep. Act 9482 Anti-Rabies Act of the Philippines. (OICÂ Rod Sadian, RPN DZRL Batac)
(Source: Provincial Government of Ilocos Norte)